Alimchu Palimhcu (ఆలించు పాలించు)

ఆలించు పాలించు ఆదిమపురుష
జాలిదీర నీకే శరణుచొచ్చితిమి         ॥ పల్లవి ॥

గతి నీవే మతి నీవే కర్తవు భర్తవు నీవే
పతియు నీవే యేపట్టునా మాకు
యితరము లెవ్వరున్నా రెంచిచూడ నిన్నుఁబోల
చతురుఁడ నిన్నునే శరణుచొచ్చితిమి        ॥ ఆలిం ॥

జననీజనకులు శరణము నీవే
వునికి మనికి నీవే వుపమ నీవే
మనిసిచ్చి నీవే నన్ను మన్నించుకొంటేనే
చనవి మనవి నీకే శరణుచొచ్చితిమి       ॥ ఆలిం ॥

లోకసాక్షివి నీవే లోకబంధుఁడు నీవే
యీకడ శ్రీవేంకటేశ యిదివో నీవె
నీకంటె మరిలేరు నిఖిలమంతయుఁ గావ
సాకారరూప నీకే శరణుచొచ్చితిమి        ॥ ఆలిం ॥