Adivo Ninnamtiga (అదివో నిన్నంటిఁగా)

అదివో నిన్నంటిఁగా అప్పుడే నిన్ను వోసి
తుదమొద లెఱఁగక దోసమేలాడేవే          ॥ పల్లవి ॥

అట్టె కోపించకుమీ అడిగే నేనొకమాట
యెట్టునెదుర వున్నాపె యేమౌరా నీకు
ఉట్టిపడి వోసిపోవె వొకటికొకటి గట్టేవు
చుట్టపు వరుస వారి సోఁకనాడవచ్చునా       ॥ అదివో ॥

సిగ్గువడకుమీ వోరి చెప్పేరా నేనొకమాట
దగ్గరి కూచుండనాపె తనకేలరా
వొగ్గి మాటలాడితే వూరకే నిందవేసేవు
నిగ్గులవారితో వాదు నీకింత వలెనా          ॥ అదివో ॥

నవ్వకు శ్రీ వేంకటేశ నమ్మించే నేనొకమాట
యివ్వలఁ బండుండ ఆమె యేమౌరా నీకు
పువ్వక పూచెననేవు పొరుగిరుగులవారి
రవ్వసేయకువే యింత రతి నిన్నుఁ గూడనా    ॥ అదివో ॥