Addamuleninaalika (అడ్డములేనినాలిక)

అడ్డములేని నాలిక నాడుదురుగాక భూమి
దొడ్డవాఁడేమి సేసినా దోస మందు నేది    ॥ పల్లవి ॥

ఆతుమలో మదనుఁడవయ్యే వాఁడవు నీవే
ఆతల నాలిమగఁడువనే వాఁరలు నీవే
ఘాతల పరాంగనఁ గలసితివని నిన్ను
తోతో మునుల కిఁక దూరఁ జోటేదయ్యా    ॥ అడ్డము ॥

దేహము లోపలనున్న దీపనాగ్నియు నీవే
దాహము నాఁకలి నీవే తగురుచులెల్ల నీవే
ఆహా శబరియెంగి లారగించి తనుమాట
సోహల నిందించి నవ్వఁ జోటిందు నేది    ॥ అడ్డము ॥

పుట్టుగు లోపలనున్న భోగము లన్నియు నీవే
ఇట్టే ఆచారములు హీనాధికములు నీవే
గుట్టున శ్రీవేంకటేశ గొల్లఁడవై పుట్టినందు-
కుట్టిపడి యెవ్వరికి నూహించఁజోటేది    ॥ అడ్డము ॥