Adiyu Na Peddarikamu (అదియు నా పెద్దరికము)

అదియు నాపెద్దరికమన్నిటాఁ గాదా
పదరినా యిందరును బలఁగమే కదవే       ॥ పల్లవి ॥

మన్నించే యాతనికిని మఱిఁగొందరు రానీవే
కన్నులెంత పెద్దవైనా కలిమే కదే
మున్నిటి వారి కతఁడు మొక్కులెల్లా మొక్కనీవే
చన్నులెంత పెద్దలయినా జవ్వనమే కదవే      ॥ అది ॥

అడఁగి మడఁగి వారికట్టే తా నడచీని
నడుమెంత కొంచెమైనా నయమే కదే
బడిబడిఁ గన్నచోట బాసలెల్లాఁ జేసీని
కడు గొప్ప పిఱుఁదు సింగారమే కదవే        ॥ అది ॥

సరికి బేసికిఁ దాను జాణతనాలాడీని
కురులు గూడితేఁ గొప్పు గొప్పౌఁగదే
యిరవై శ్రీవేంకటేశుఁ డిందరిలో నన్నుఁ గూడె
వొరసితే మోవితేనెలూరేవే కదవే            ॥ అది ॥