Adavichaatuna Numdi (అడవిచాటున నుండి)

అడవిచాటున నుండి యాఁటదానను న-
న్నుడికించేవేరా నీ వుడుకునను     ॥ పల్లవి ॥

పించెపుఁ బయ్యెదలోని పెనుగుబ్బలు మూయుచు
చెంచెత యేల యేఁచేవె చెల్లఁబో నన్ను
మంచుఁబులకలచాటు మగనాలిగుబ్బలు సో
ధించి చూచే వేరా తెట్టఁదెరువునను    ॥ అడవి ॥

తొలుకరి మెఱుఁగుల తొడలయాకుఁజీరచె
నలయించే వేఁటికి నీ వయ్యో నన్ను
నులివెచ్చమాటల నొవ్వ నామనము సోఁకఁ
బలికే వదేర బట్టబాయిటను        ॥ అడవి ॥

చిక్కనితేనెలతావి చిగురుమోవి నవ్వుచు
చక్కఁజూడ కేల పగచాటేవె నన్ను
చక్కని వేంకటగిరిస్వామి నాకౌఁగిలి నీకు
పుక్కట దొరకె పొట్టఁబొరుగుననూ     ॥ అడవి ॥