Amduke Veracheno Yammalaalaa (అందుకే వెఱచేనో యమ్మలాలా)

అందుకే వెఱచేనో యమ్మలాలా తన
కందువకే పారఁబోయి కాలుజారె బిడ్డఁడు   ॥ పల్లవి ॥

పాలకడవలును బానలవెన్నలును
ఓలిం బెట్టి వుట్లపై నుండంగాను
నేలనుండి యెగసి నిక్కితీసె నిదివో
పాలు గాసు సేయ విడి పడఁబోయె బిడ్డఁడు   ॥ అందుకే ॥

కమ్మని నేతులును గడ్డల జున్నులును
కమ్మి వెద్దకాఁగులతో కాఁగంగాను
దిమ్మరియై తొడికి తియ్యం బోయీ నిదివో
అమ్మరో వ్రేళ్లు పొక్కి అగ్గిదాఁకి బిడ్డఁడు    ॥ అందుకే ॥

కోడెలఁ బేయలను కూడఁగట్టి విడిచి
వోడక వీథులం బరువులు దోలీని
వేడుక కాఁ డిదెవో వేంకటేశ్వరుఁడు
ఆడకు నీడకుఁ బాఱి అలసీని బిడ్డఁడు    ॥ అందుకే ॥