Abburampu Sisuvu (అబ్బురంపు శిశువు)

అబ్బురంపు శిశువు ఆకుమీఁదిశిశువు
దొబ్బుడు రోలుశిశువు త్ప్రువి త్ప్రువి త్ప్రువి    || పల్లవి ||

పుట్టు శంఖచక్రములఁ బుట్టిన యాశిశువు
పుట్టక తోల్లే మారుపుట్టువైన శిశువు
వొట్టుక పాలువెన్నలు నోలలాడు శిశువు
తొట్టెలలోని శిశువు త్ప్రువి త్ప్రువి త్ప్రువి    || అబ్బు ||

నిండిన బండి దన్నిన చిన్నిశిశువు
అండవారి మదమెల్ల నణఁచిన శిశువు
కొండలంతేశసురులఁ గొట్టిన యా శిశువు
దుండగంపు శిశువు త్ప్రువి త్ప్రువి త్ప్రువి    || అబ్బు ||

వేఁగైన వేంకటగిరి వెలసిన శిశువు
కౌఁగిట యిందిర దొలఁగని యా శిశువు
ఆఁగి పాలజలధిలో నందమైన పెనుఁబాము
తూఁగుమంచము శిశువు త్ప్రువి త్ప్రువి త్ప్రువి    || అబ్బు ||