Aada Needa Nundagaa Ninnanegaaka (ఆడ నీడ నుండగా నిన్ననేగాక)

ఆడనీడ నుండఁగా నిన్ననేఁ గాక
కూడి యిట్టె వుండితేను కోపగించేనా       ॥పల్లవి॥

నామొగము చూడుమా నగితేనె కానవచ్చీ
నీ మనసులోననున్న నిజముఁ గల్లా
యేమతకములు నేల యింతేసి ఆనలేల
నామంచముమీఁద నుంటే నమ్మ నే ననేనా   ॥ఆడ॥

ముమ్మారునాడుమామాట మొదలనే తెలిసెను
కమ్మిన నీచేఁతల కపటాలెల్లా
సమ్మతించు మననేల చలము సాధించనేల
యిమ్ముల మాయిచ్చనుంటే యీసడించేనా   ॥ఆడ॥

కాఁగిలించుకుండుమాకాఁక లోనెముంచుకొని
ఆఁగి పెదవి దడిపె ఆసలెల్లాను
వీఁగనేల యిఁకను శ్రీవెంకటేశ కూడితివి
పాఁగి యిట్టె నెలకొంటె బాసలాడిగేనా      ॥ఆడ ॥