Amdaakaa Neeku Mokkutaa (అందాఁకా నీకు మొక్కుతా)

అందాఁకా నీకు మొక్కుతా నంతా నింతా నుండేఁ గాక
యిందరిలోఁ బదరితే నిది సిగ్గు గాదా    ॥ పల్లవి ॥

ఆవల నీ వొకతెతో అట్టె మాటలాడఁగాను
చేపట్టి తియ్యగ బోతే సిగ్గు గాదా
వావిరి నాపెయు నీవు వసంతము లాడఁగాను
యీ వేళ నీ మోము చూచి దిది సిగ్గు గాదా  ॥అందా॥

కోరటు పరాకై నీవు కొమ్మను గూడుండగాను
చేరి నీతో నవ్వఁబోతే సిగ్గు గాదా
గారవించి యాపెతోయాకతము నీ వాడఁగాను
యీరీతి దగ్గరితేను యిది సిగ్గు గాదా    ॥అందా॥

అక్కడిరతుల నీవు అలసి వుండేవేళ
చెక్కులు నే నొక్కితేను సిగ్గు గాదా
గక్కన శ్రీవెంకటేశ కలసితి విటు నన్ను
యిక్కడ నవి దడవే దిది సిగ్గు గాదా    ॥అందా॥