Composer: Sri Tallapaka Annamacharya (Annamayya అన్నమయ్య) , May 9, 1408 – February 23, 1503 was born to Narayana Suri and Lakkamamba in Tallapaka, a village in current day Kadapa district of Andhra Pradesh. More…
ఆలరిజాణఁడవని అంటిఁగా నేను
ఆలనైతి నింత యేఁటికంటిఁగా నేను ॥ పల్లవి ॥
చేరిచేరి నీవు నాతో సెలవుల నవ్వఁగాను
ఆరు చేతఁ బట్టకుమనంటిఁగా నేను
నేరుపుల మాటలెల్లా నీవు నాతో నాడఁగాను
ఔరా మెచ్చితినని అంటిఁగా నేను ॥ ఆల ॥
సేసవెట్టి యట్లానే చేతులు చాఁచఁగాను
ఆసలఁ బెట్టకుమని అంటిఁగా నేను
లాసి సరసముల నీలాగు లెల్లాఁ జూపఁగాను
ఆసుద్దులు యెరుఁగుదు నంటిఁగా నేను ॥ ఆల ॥
కప్పురము నీ విచ్చి కాఁకలు చల్లార్చఁగాను
అప్పుడే సంతోషించి అంటిఁగా నేను
ముప్పిరి శ్రీ వేంకటేశ ముంచి నన్నుఁ గూడితివి
అప్పణిచ్చుదాఁకానుంటి నంటిఁగా నేను ॥ ఆల ॥
No comments yet.