Composer: Sri Tallapaka Annamacharya (Annamayya అన్నమయ్య) , May 9, 1408 – February 23, 1503 was born to Narayana Suri and Lakkamamba in Tallapaka, a village in current day Kadapa district of Andhra Pradesh. More…
అన్నిటా నేరుపరి అదే యాతఁ డెఱుఁగఁడా
విన్నవించరే యా మాట వేడుక లాతనికి ॥ పల్లవి ॥
యెవ్వరి నేమన నేల యెడ మాట లాడ నేల
నవ్వుతా నా రమణుఁడే న న్నేలీఁ గాక
సువ్వన నా మనసు యిక పాఁతర యెంతని
తవ్వెను తానే దయ దలఁచీఁ గాకా ॥ అన్ని ॥
చెక్కున చేయిడ నేల చింతలఁ బొరల నేల
మక్కువ నాతఁడే వచ్చి మన్నించీఁ గాకా
గుక్కక నా దీమసము గోడవంటిది యెంతని
మక్కు వేసే తానే చూచి మమ్ముఁ గాచీఁ గాకా ॥ అన్ని ॥
సెలవి నవ్వఁగ నేల సిగ్గులు వడఁగ నేల
వెలయఁ గూడె నన్ను శ్రీ వేంకటేశుఁడే
చిలుక వంటిది నాలోఁ జెలఁ గే యాస యేమని
పిలిచేను నాపైఁ దానే ప్రేమ నించీఁ గాకా ॥ అన్ని ॥
No comments yet.