Composer: Sri Tallapaka Annamacharya (Annamayya అన్నమయ్య) , May 9, 1408 – February 23, 1503 was born to Narayana Suri and Lakkamamba in Tallapaka, a village in current day Kadapa district of Andhra Pradesh. More…
ఆనలునుఁ బెట్టు దుగా అప్పటి నందుకుఁ దోడు
కానీ లేరా దాని పైనే కన్ను లెఱ్ఱఁ జేయరా ॥ పల్లవి ॥
అంటినవి నీ వురమునందు నెవ్వతెవో కాని
జంటల వట్రువలైన చన్నుల గురుతులు
కంటకా లాడిన నన్ను కల్లఁజేయ వత్తువుగా
వెంటనే నీవల పదే వెలివేసెఁ గదరా ॥ ఆనలు ॥
అలరె నీ వీఁపు నను అవి యెవ్వతెవో కాని
కళుకు వ్రాసిన యట్టి కంకణాల వొత్తులు
బలిమి సాదు వలెనే పంతమాడ వత్తువుగా
యెలమి నిన్నట్టే రూఢి కెక్కించెఁ గదరా ॥ ఆనలు ॥
యిదె నీ చెక్కుల జారె నెవ్వతె చెవిదో కాని
సదరపు బొట్లే జవ్వాది కరఁగులు
కదిసి శ్రీ వేంకటేశ కౌఁగిట నీవు గూడఁగా
యెదుట నన్నట్టే అది యెంత సేసీఁజూడరా. ॥ ఆనలు ॥
No comments yet.