Andulone Vinnapamu Lanniyu (అందులోనే విన్నపము లన్నియు)

అందులోనే విన్నపము లన్నియు నున్నవి నాకు
మందలించి ఇంతకంటె మరి నేరననరే    ॥ పల్లవి ॥

వద్దు వద్దు తనతోడివాదులకు నే నోప
పొద్దువొద్దు వాసులకే పోరలఁ బట్టె
కద్దుగద్దు నామీఁదఁ గడు మోహము దనకు
ముద్దుముద్దువలె నిట్టె మొక్కితి నే ననరే   ॥ అందు ॥

చాలుఁజాలు చలములు సాదించఁ దరిగాదు
యేల యేల తనసుద్దు లిదె వింటివి
వేళ వేళ గాచికాచి వేగిరించితి నిందాఁక
మేలు మేలు దనపొందు మెచ్చితి నేననరే   ॥ అందు ॥

సారె సారె బోమ్మలను జంకించఁ బనిలేదు
తీరెఁ దీరెఁ గోపమెల్లాఁ దేటపడెను
చేరెఁజేరెఁ గాఁగిటిలో శ్రీవేంకటేశ్వరుఁడు
పేరెఁబేరెఁ దేనెలెల్ల పెదవుల ననరే       ॥ అందు ॥