Amdarolo Neevougadave (అందరిలో నీవౌగదవే)

అందరిలో నీవౌఁ గదవే
అందితివి పదవులౌఁ గదవే     ॥ పల్లవి ॥

చతురతఁ దెరలోసందించినవా
రతఁడును నీవును నౌఁగదవే
కతలు చెప్పుతా గయ్యాళిఁచితి
వతివెవు నీవే యౌఁగదవే       ॥అంద॥

తప్పక యింటిలోఁ దమ్ములముమిసితి
రప్పసము మీరె యౌఁగదవే
ముప్పిరి నగితివి మునుపన యేఁటికొ
అప్పడు నీవే యౌఁగదవే       ॥అంద॥

మక్కువ ననునిటు మన్నింపించితి
వక్కరొ నీవే యౌఁగదవే
వెక్కసముగ శ్రీ వెంకటేశ్వరుని
యక్కున నిలిచితి వవుఁగదవే    ॥అంద॥