Composer: Sri Tallapaka Annamacharya (Annamayya అన్నమయ్య) , May 9, 1408 – February 23, 1503 was born to Narayana Suri and Lakkamamba in Tallapaka, a village in current day Kadapa district of Andhra Pradesh. More…
అంతకోపుదుమా నేము అవునే తాను
పంతమా నాతో నింత భళా తాను ॥ పల్లవి ॥
రెప్పలెత్తి నన్నుఁ జూచె రేసులకే తలవంచె –
నప్పటిని మగనాలి నద్దో తాను
తప్పక మోము గిరిపె తనలోనే తానవ్వె
ఇపుడే తా మానఁడుగా యెవ్వఁడే తాను ॥ అంత ॥
వచ్చివచ్చి వేఁడుకొనీ వద్దంటేఁ గోపగించీ
అచ్చలము నాతోనేల అప్పటిఁ దాను
రచ్చల నెమ్మెలు చూపి రాజనంటాఁ బచ్చిసేసీ
యెచ్చుకుందు తనకు నా కేడకేడే తాను ॥ అంత ॥
బుద్దులు చెప్పఁగ వచ్చి పూఁచినవాకిళ్లు దాఁటి
అద్దమరేతిరికాడ నాయఁగా తాను
దిద్దుచు శ్రీవేంకటాద్రిదేవుఁడు నన్నిటు గూడె
వొద్ద నుండి ఇంత సేయ నోపునా తాను ॥ అంత ॥
No comments yet.