Anateevayya Nee Velalavi Yetto Yerugamu (ఆనతీవయ్య నీ వేళలవి యెట్టో యెఱుగము)

ఆనతీవయ్య నీ వేళలవి యెట్టో యెఱుఁగము
వూని నిన్ను విచారించ కూరకుండరాదు    ॥ పల్లవి ॥

బత్తి తో నెవ్వతె మీఁది పరాకున నున్నాఁడవో
హత్తి నే నీ వేళ మాటలాడ వచ్చునా
కొత్తగా నే యింతిఁ బిల్చుకొనే నని వున్నాఁడవో
యెత్తి నీ తెర దీసి నిన్నిటు చూడవచ్చునా   ॥ ఆన ॥

మఱి యెవ్వతె కీ పొద్దు మాట యిచ్చుకున్నాఁడవో
యెఱుఁగక నీకు వీడె మియ్య వచ్చునా
గుఱిగా నేసతిరాక గోరుక నీ వున్నాఁడవో
తఱితో నిప్పుడు నీ పాదము లొత్త వచ్చునా ॥ ఆన ॥

అరుదుగా నెవ్వతెకు నాసపడి వున్నాఁడవో
వరుసకు నే నీతో నవ్వఁగవచ్చునా
ఇరవై శ్రీ వేంకటేశ యిట్టే నన్ను నేలితివి
మరిగి నీ గుణములు మఱవఁగ వచ్చునా   ॥ ఆన ॥