Amduvalla Gaani Namma (అందువల్లఁ గాని నమ్మఁ)

అందువల్లఁ గాని నమ్మఁడాతఁడు
అందములుగా నింకా నానవెట్టుకొనవే    ॥ పల్లవి ॥

సారె నీవు నగఁగాను సరసుఁడు తనవోళ్ళి
నేరమేదో యని మతి నెమకీని
గారవించి నీవిందుకు కప్పురవీడె మిచ్చి
ఆ రీతి నే మీరనని ఆనవెట్టుకొనవే     ॥ అందు ॥

పలుమారు మొక్కఁగాను పచ్చిదేరె వెంగెమని
తలవంచుక బాసలు తలపెట్టీని
కలసి నీవీవేళ కాఁగిలించి బుజ్జగించి
అలరించి నిజముగా నానవెట్టుకొనవే    ॥ అందు ॥

వొద్దఁ గాచుకుండఁగాను వొరసీ నిదోమో యని
పొద్దు వొద్దు నీతోనే భోగించీని
వొద్దిక శ్రీవేంకటేశు నొడఁబరచి నీవిట్టే
అద్దుకొని పాదములు నానవెట్టుకొనవే    ॥ అందు ॥