Annee Neevallane Vape (అన్నీ నీవల్లనె ఆపె)

అన్నీ నీవల్లనే ఆపె యింత నవ్వెఁగాక
యెన్నటివలెనే వుంటే యెమ్మెలు చూపీనా ॥ పల్లవి ॥

సలిగె గలయాడది చలము సాదించుఁ గాక
బలిమి లేకుండిది పంత మాడీనా
చెలిమి యీడేరితేను సేఁతలెల్లాఁ జెసుఁగాక
వలసినొల్లములై తే వాసికిఁ బెనఁగీనా    ॥ అన్నీ ॥

మందెమేళ మైనతి మదించి చెనకుఁగాక
కందువ దెలియనిది గరసించీనా
పొందు గడుఁధగు లై తే పొత్తులకు వచ్చుఁగాక
సందడిలో మాటలకు సరుసఁ గూచుండీనా ॥ అన్ని ॥

బాస సేయించుకొన్నా పె పానుపుపైఁ బండుఁగాక
సేస వెట్టనిమగువ చిమ్మ రేఁగీనా
ఆసల శ్రీ వేంకటేశ అలమేలు మంగను నేను
నీతి యైనంతలోనే నీ సాటి వచ్చీనా    ॥ అన్ని ॥