Amganaku Maarugamma (అంగనకు మారుగమ్మ)

అంగనకు మారుగమ్మ లంపవయ్యా
యింగితములోనే కంటి మేమందుమయ్యా    ॥ పల్లవి ॥

యెంతపిలిచినా రావు యెగసక్కేలాడేవు
చెంతల మాచెలికట్టే చెప్పుదుమా
ఇంతలో నేము మొక్కితే నిటు సరససాలాడేవు
యెంత కెత్తుకొంటివి నిన్నేమందుమయ్యా    ॥ అంగన ॥

కానుకము నందుకోవు కైదండ విడువవు
కానీ కానీ యాపె యెఱగక మానీనా
లోనికి రాఁజూచి పై గల్లునఁ బాదము చాఁచేవు
యీనెపము గాచుకుంటి వేమందుమయ్యా    ॥ అంగన ॥

అసలనుఁ బెట్టేవు అతివను రమ్మనేవు
వేసరి యాకె యీడకు విచ్చేసెనయ్యా
సేసవెట్టి కూడితి శ్రీవేంకటేశ నీవు
యీ సుద్దులకిఁక మరి యేమందుమయ్యా    ॥ అంగన ॥