Apenemi Yadigevu Appati (ఆపెనేమి యడిగేవు అప్పటి)

ఆపెనేమి యడిగేవు అప్పటి నీవు
యేపున సిగ్గువడుటే యియ్యకొనుట    ॥ పల్లవి ॥

అరసి చతురుడ నీవానతిచ్చిన మాటకు
సరి నూర కుండితేనే సమ్మతించుట
సరికి బేసికి నీవు జాణతనము లాడితే
సరసము తానాడితే చనవు చెల్లించుట   ॥ ఆపె ॥

ఆరీతి ఘనుఁడవు నీ వాపెఁ దప్పక చూచితే
సారెఁ దిరుగఁ జూచితే సమ్మతించుట
కేరికేరి నీవట్టే కిలకిల నవ్వితేను
తారుకాణగా నవ్వితేఁ దమకించుట      ॥ ఆపె ॥

యిన్నిటా శ్రీవేంకటేశ యిట్టే కాఁగిలించితివి
చన్నుల నాపె వొత్తుటే సమ్మతించుట
మన్నించి మోవి యిచ్చి మరుగఁగఁ జేసుకొంటే
పన్ని తాను మోవిచ్చుట పతివిందు వెట్టుట ॥ ఆపె ॥