A Nela Pettumanevu (ఆ నేల పెట్టుమనేవు)

ఆనేల పెట్టుమనేవు అంతలో నీపై
తానకమై నీకాపెకుఁ దగునిపుడు     ॥ పల్లవి ॥

మిగులాఁజక్కనిదైనమెలుఁత నొక్కతె నీకు
తగిలించే వచ్చేవా తరి నావెంట
మగువ నాదోమతెరమంచములో నున్నది
నగనేల అప్పుడుగా నన్ను మెచ్చేది    ॥ ఆనే ॥

నీ కాపెకుఁ బొందుసేసి నిన్ను సంతోసించఁజేసే
వాకిచిచ మాఁటాడదు వలెనా నీకు
దాకొనీ గుట్టుమానిసి తలుపు ముయ్యుము వేగ
పైకొని యేల కొంకేవు పండీ నియ్యాన    ॥ ఆనే ॥

నెలవై శ్రీవేంకటేశ నే నలమేలుమంగను
యెలయించేనా నీకు నెవ్వరైరేమి
అలరి ఇదివో అంటే అట్టె కాఁగిలించితివి
కలసితి నేనే ఆపెగానా యీడను      ॥ ఆనే ॥