Annitaa Nerparivi Nee (అన్నిటా నేర్పరివి నీ)

అన్నిటా నేర్పరివి నీ వౌదువయ్యా
యెన్ని ప్రియములు చెప్పే వేమి సేతువయ్యా ॥ పల్లవి ॥

మక్కువ చల్లనే పట్టె మాటలాడనే పట్టె
వెక్కసాన నీతో నవ్వ వేళ లేదు
యిక్కువలు గరఁగతి యింపులనే పెరిగితి
యెక్కడ నీవు దనియ వేమి సేతువయ్యా   ॥ అన్ని ॥

మోము చూడనే పట్టె మోము నించనే పట్టె
వేమరుఁ జేయెత్తి మొక్క వేళ లేదు
నామనసు నీ కిచ్చితి నాఁడె నిన్ను మెచ్చితి
యేమిటికిఁ వేవు యేమి సేతువయ్యా      ॥ అన్ని॥

కదిసి వుండనె పట్టె కాఁగిలించనె పట్టి
వెదకి దూరు వేయఁగ వేళ లేదు
యిదివో శ్రీ వేంకటేశ యెనసితి విటు నన్ను
యెదుటనె వున్నాఁడ వేమి సేతువయ్యా   ॥ అన్ని॥