Allavaare Sarasamulaadukoneru (అల్లవారే సరసములాడుకొనేరు)

అల్లవారే సరసములాడుకొనేరు
వెల్లవిరియైనట్టి వేడుకకాండ్లె         ॥ పల్లవి ॥

గద్దెమీఁద నున్నవారు కాంతయు రమణుఁడును
పెద్దరికములకే పెనఁగేరు
వొద్దికైననేరుపుల నొకరొకరి నెంచితే
ఇద్దరి కిద్దరే సాటి ఇన్నిటాను జాణలే     ॥ అల్ల ॥

తెరలొ నున్నవారు దేవియు దేవరవలె
దొరతనపుఁబంతాల దులఁదూఁగేరు
సరి నెంచిచూచితే చక్కఁదనములయందు
పిరుతియ్య కొండొరులు పెచ్చువెరిగేరే    ॥ అల్ల ॥

అలముకవున్నవారు అల్లియుఁ దామరవలె
పిలువుఁ బ్రియములతోఁ బెండ్లాడేరు
అలమేలుమంగ యీకె అతఁడు శ్రీవేంకటేశుఁ-
డలరీ తానూఁదాను నమరివున్నారే     ॥ అల్ల ॥