Annipanulu Meeke Amarugaaka (అన్నిపనులు మీకే అమరుగాక)

అన్ని పనులు మీకే అమరుఁగాక । నేము
కన్నుల నన్నియుఁ గనుగొంటిమిగాక   ॥ పల్లవి ॥

మీరే తెలియవలె మీలోనిజగడాలు
మారుఁ డెఱఁగవలె మరి మీఁదను
వూరకే మీమాఁట లూఁకొనేచెలులము
కోరి సాకిరి చెప్పఁగూడునా మాకు     ॥ అన్ని ॥

చనవు లియ్యఁగవలె చలములు మానవలె
మనసు లెనయవలె మరి మీఁదను
యెనయఁగలిగినట్టియిద్దరి మిమ్ముఁ జూచి
కనుసన్నఁ గోపించఁగలమా నేము    ॥ అన్ని॥

శ్రీవేంకటేశ నీచిత్త మియ్యఁగ –
నీవనితాఁ గూడె నిటు నిన్నును
పూవుఁబరిమళపు పొందులమీలోని-
భావాలు మాకెల్లఁ బలుకఁగవసమా   ॥ అన్ని॥