Amme Dokatiyu Nasimalone Dokati (అమ్మే దొకటియు నసిమలోనె దొకటి)

అమ్మేటి దొకటియు నసిమలోని దొకటి
యిమ్ముల నీయందే కంటి మిదివో దిష్టాంతము   ॥ పల్లవి ॥

మతిలో నొకటి వెట్టి మాట వేరొక టాడేటిఁ
మతకారి నిన్ను దూర మావసములా
తతి సగము సింహము తగునరుఁడౌ సగఁ
మితవుగఁ గైకొంటి విదివో దిష్టాంతము       ॥ అమ్మే॥

సెలవులనే నవ్వులు సేసేసేఁతలు వేరె
బలువుఁడ నీతోడి పంతము గద్దా
యిల దేవకికిఁ బుట్టి యెశోదకొడుక వైతిఁ
వెలమి నీసుద్దులకు నిదివో దిష్టాంతము     ॥ అమ్మే॥

నేరువు నీ కొకచోట నిజము నేఁడొకచోట
కోరి శ్రీవేంకటేశుఁడ కూడితి నన్ను
గోరపాతాళాన నుండి కొండ మీఁద నిక్కితివి
యీరీతి నీగుణముల కిదివో దిష్టాంతము      ॥ అమ్మే ॥