Annitaa Dannu Joochuko (అన్నిటా దన్ను జూచుకొ)

అన్నిటాఁ దన్నుఁ జూచుకొమ్మనరే మీరు
పున్నమచంద్రు వెన్నెల భూమి కెల్లాఁ గాదా ॥ పల్లవి ॥

యెంత నన్ను బుజ్జగించి యెటువలెఁ బెట్టు కున్నా
అంతయునుఁ దనమే లనరే మీరు
పొంతనె పాదాలమీఁదఁ బూజించినపెద్దరికె
మంతట దేహన కెక్కు నదియే కాదా     ॥ అన్నిటా ॥

సారె సారె దా నెంత చనవు నా కిచ్చినాను
ఆరయఁ దనలాభమో అనరే మీరు
నేరుపుతో వేళ్లపై నీళ్లెల్లాఁ బోసితేను
కూరిమినా తని వెల్లాఁ గొనలకే కాదా     ॥ అన్నిటా ॥

సరి నన్నుఁ గూడి నా మైచలు వెంత వేసినాను
ఆరిది తనకె పుణ్య మనరే మీరు
యిర వై శ్రీ వేంకటేశుఁ డింత వేసి నన్నుఁ గూడె
మరిగె పండ్లతీపు మాకు వల్లఁ గాదా    ॥ అన్నిటా ॥