Aakeku Neeku Delusu (ఆకెకు నీకుఁ దెలుసు)

ఆకెకు నీకుఁ దెలుసు నన్నిపనులు
యీ కడ మమ్ము నట్టె యేమి చూచేవయ్యా      ॥ పల్లవి ॥

కతకఱచిన మాట కలికి నీతో నాడె
యితవుగా నవ్వితిని ఇందుకు నీవు
రతికెక్కితిరి మీరు రచ్చల నిన్నిటా నేఁడు
చతురత మమ్ము నేమి సారెఁ జూచేవయ్యా      ॥ ఆకె ॥

సేయరాని చేఁత నీ చెక్కుల నట్టె సేసె
చాయలకు నీవవి సమ్మతించితి
బాయిటఁ బడెను మీ పై పై వలపులెల్లా
మీయెడ నీవు మమ్ము నేమి చూచేవయ్యా      ॥ ఆకె ॥

కనురెప్ప మఱఁగైతే కాఁగిలించుకొనె నాపె
మనసిచ్చి, కరఁగె నీ మర్మములు
ననిచి శ్రీ వేంకటేశ నన్నుఁ గూడితివి యిట్టె
యినుమడించెను మోహ మేమి చూచేవయ్యా    ॥ ఆకె ॥