Amgana Laatavivela Arasiraaro (అంగన లాతవివేళ అరసిరారో)

అంగన లాతనివేళ అరసిరారో
సింగారరాయఁడు యేమిసేసీనో యీవేళ    ॥ పల్లవి ॥

వుప్పవడమౌ నిఁతక వువిదయుఁ దానీవేళ
అప్పఁడు దధ్యన్నము లారగించు నీవేళ
అప్పుడే మొకమజ్జన నువధరించు నీవేళ
ఇప్పు డేమిసేసీనో యెఱఁగ మీవేళ      ॥ అంగ ॥

తిరువారాధనవేళ తిరువందికాపువేళ
అరిది యప్పాలు నన్నాలారగించు నీవేళ
దొలరకొలు నీవేళ తోదోపు లీవేళ
సిరివరుఁడిపు డేమిసేసునో యీవేళ    ॥ అంగ ॥

యిట్టే యలమేలుమంగ యేకతమాడేవేళ
చుట్టి రా సంగరంగాలు చూచేవేళ
మెట్టి శ్రీవేంకటపతి మెరసి యేఁగేవేళ
చెట్టాపట్టాలతో రతిఁ జెలఁగు నీవేళ      ॥ అంగ ॥