Adiyaalaalella Nimde Namparaadaa Nee (అడియాలాలెల్ల నిండె నంపరాదా నీ)

అడియలాలెల్ల నిండె నంపరాదా । నీ-
నడిగినట్టెల్లానాయ నంపరాదా       ॥ పల్లవి ॥

కన్నుల నిద్దుర దేరెఁ గందువలు చెమరించె
అన్నివనులును నాయ నంపరాదా
వన్నె మోవి కడురాఁగె వసివాడె మైఁదీగె
అన్నిటా జాణఁడవౌదు వంపరాదా    ॥ అడి ॥

కాయమెల్లా మఱపాయఁ గరఁగె నామనసెల్ల
ఆయములు సరిదాఁకె నంపరాదా
పాయములు ఫలమందె పంతము లొక్కట్లాయ
ఆయెడకే వత్తుఁగాని అంపరాదా     ॥ అడి ॥

మచ్చికలే తనివొందె మంతనాలే చవులాయ
అచ్చుపడెఁ గూటములు అంపరాదా
ఇచ్చకుఁడ శ్రీ వేంకటేశ నన్నుఁ గూడితి-
వచ్చికములెల్లఁ బాసె నంపరాదా     ॥ అడి ॥