Aadugola Vachhu Jummee (ఆఁడుఁగొల వచ్చుఁ జుమ్మీ)

ఆఁడుఁగొల వచ్చుఁ జుమ్మీ ఆచారా లింతైతే
నేఁడు గామించితిఁ జుమ్మీ నిన్ను రఘునాథ       ॥ పల్లవి ॥

తొంగిచూచి నంతలోనే దోసము వచ్చీనా
అంగవించి వలచిన ఆఁడుదానను
ముంగిట మాటాడితేనే మోనము దప్పౌనా
యెంగిలౌనా మోవిపండు ఇంతలోనే నీకును        ॥ ఆఁడు ॥

పాదము సోఁకించితేనే పంతములు దప్పీనా
వీదిఁబోతాఁ జెనకినవెలఁది నేను
పాదై సంగడినుంటే బతిమి వొయ్యీనా
సోదించి కళలు నీకు జొబ్బిలీని ఇపుడే           ॥ ఆఁడు ॥

తొడమీఁద నిడుకొంటే దొరతనము వొయ్యీనా
బడిబడిఁ దిరిగాడే పడఁతి నేను
కడఁగి శ్రీ వేంకటాద్రిఘనుఁడ వావిలిపాటి –
వొడయ రాఘవ కూడి వొద్దికఁ బాయకుమీ         ॥ ఆఁడు ॥