Andukepo Ninnu Tooranaaditi (అందుకేపో నిన్ను తూరనాడితి)

అందుకే పో నిన్ను తూరనాడితి మిందరిలోనా
ఇందుముఖి భావ మిది ఇఁకను నీ చిత్తము    ॥ పల్లవి ॥

చిత్తము నీపై నిలిపి చెలితో ముచ్చట చెప్పి
తత్తరించి తనమాఁట తా మరచె
కొత్తగా మోవిని నవ్వి కోపమే బొమ్మల నించి
చిత్తరు పతిమవలె చేఁతలెల్లా మరచె      ॥ అందు ॥

చెప్పినసుద్దులే చెప్పీ సేసినచేఁతలే సేసి
అప్ప డేమంటినోయని అడిగీఁదానె
రెప్పల తుదల సిగ్గు రేసులై నిట్టూర్పులను
దప్పిదేరేమేనితోడ తడఁబాటుఁ బొందెను    ॥ అందు ॥

అంతలోనే నిన్నుఁ జూచి అంగన కన్నీరు నించి
పంతపుఁ కారిమితో నీపై నొరగెను
ఇంతసేసె కూడితివి ఇప్పుడే శ్రీవేంకటేశ
వింతగాఁ గళలఁ జొక్కి వేడుక నలసెను     ॥ అందు ॥