Amte Po Voyamma (అంతే పో వోయమ్మ)

అంతే పో వోయమ్మ ఔనయ్య మంచివాఁడవు
పంతాన నీతోఁ బెనఁగేపాటిదా యీమగువ ॥ పల్లవి ॥

కన్నె పడుచైనదానిఁ గాఁగిట బిగింతురా
పన్ని పూవువలెఁ జేతఁ బట్టుట గాక
చిన్నిచన్ను లొక్కమాఁటే చిప్పిలఁ బిసుకుదురా
మన్ననలనే రతుల మరపుట గాక    ॥ అంతే ॥

సిగ్గరి పెండ్లికూఁతురుఁ జింధు వందు గాఁ దీతురా
వొగ్గి రొమ్ము మీఁదఁ బెట్టుకుండుట గాక
కగ్గులేని కెమ్మోవి కడుఁ బిప్పి సేతురా
తగ్గుకుండాఁ గాఁగిటఁ దమిరేఁచుటగాక  ॥ అంతే ॥

కొత్త వయసుపడుచు గోరికొన సోఁకింతురా
పొత్తుగ లాలన సేసి పొందుటగాక
యిత్తల శ్రీ వేంకటేశ యిన్నిటా నీవేలితివి
నిత్తెము నీ సేవలెల్లా నేరుపుటగాక    ॥ అంతే ॥