Analelayya Neevaadinatte (ఆనలేలయ్య నీవాడినట్టె)

ఆనలేలయ్యా నీవాడినట్టె ఆడేము
పూనిన నీ మనసులో పూఁపక మేదయ్యా    ॥ పల్లవి ॥

సన్నల నాకెకు నీకు సాకిరి చెప్పుమనేవు
అన్నట్టే నీమాట లవిగోవయ్య
మిన్నక తిట్టే వందుకు మించి వెంగెములంటా
యిన్నిటా దొరవు నిన్ను నేమనందునయ్యా  ॥ అన ॥

అప్పటి మొక్కించుమనే వాకెనే నీముందట
చెప్పినట్టేల్లా నింకఁ జేసేమయ్యా
రెప్ప వెట్టక చూచేవు రేసు నెరుపేనంటా
దెప్పరాలు నీకు నీవే తెలుసుకోవయ్యా    ॥ అన ॥

కందువ నీ వెదురేఁగి కాఁగిలించితి వాకెను
అందరికి వొక్కమన సాయనయ్యా
అందపు శ్రీవేంకటేశ అంతలో మమ్ము మెచ్చేవు
విందువంటి మావంక వెలుతు లేవయ్యా.   ॥ అన ॥