Amganaa Neevunu (అంగనా నీవును)

అంగనా నీవును మాటలాడుకోరయ్యా
చెంగటనున్న చెలులు నేసేపని యేదయ్యా    ॥ పల్లవి ॥

వలపు లినుమడించె వాడికె లెదిరించె
చెలికి నీకు వావులు చిగిరించెను
తలఁపులు దైవారె తమకములు సందించె
యెలమి సుద్దులు మమ్ము నేమడిగేవయ్యా    ॥ అందు ॥

కొనచూపులు గదిసె కోరిక లల్లులొనె
మన లిద్దరివిని మర్మము లంటె
ననుపులు సరిదాఁ కె నవ్వులు వియ్యములందె
యెనలేనివిచారము లిఁక నేఁటికయ్యా       ॥ అందు ॥

మోవు లొక్కమరె మాఁగె మోహము లొండొంటి ముట్టె
భావించ సమరతులు బంతికి వచ్చె
శ్రీవేంకటేశ యింతిఁ జేకొని కూడితి విట్టె
యీవేళ నీసంతోసము లెంత చుపేవయ్యా    ॥ అందు ॥