Avi Yemarakumee (అవి యేమరకుమీ)

అవి యేమరకుమీ అనరే మీరు
తివిరి విభుఁనిఁ దానే తెలుసుకొమ్మనరే      ॥ పల్లవి ॥

కాయ మీడ నుందిగాని కడమదొడమ నా-
ఆయమెల్లాఁ దనచేతి దనరే మీరు
చేయి చెక్కుమీఁద నాకుచేరిన దింతేకాని
చాయఁ దనమేన గోరు చక్కఁజూడు మనరే    ॥ అవి ॥

మాట లీడ నాడేఁగాని మనసెల్లఁ దనమీఁద
నాటియున్న దనరే నానాయకునితో
యేఁటికో నవ్వేఁగాని యెదురై తనమీఁద
కాటుకకన్నులచూపు ఘాతసేసు ననరే     ॥అవి ॥

అవ్వలి మోమైతిఁ గాని అదియొకబంధమున
చివ్వనఁ గూడితి నని చెప్పరే మీరు
రవ్వగా శ్రీ వేంకటేశు రతిఁ గొసరితిఁగాని
నవ్వుతానే నటించిన నాటకము లనరే    ॥ అవి ॥