Ante Nanaraadu Ninnu (అంటే ననరాదు నిన్ను)

అంటే ననరాదు నిన్ను నాఱడి సేసెననేవు
జంటల నీకెరుకగా సన్నసేయనా      ॥ పల్లవి ॥

వాకిట నే నుండఁగానే వడి నిన్ను దూరంగానే
ఆకెయింటి కేఁగవా అప్పుడు నీవు
కాకుసేసితి ననేవు గామిడితనాలసేవు
నీకు నీకే యించుకొమ్మా నీవోజలు     ॥ అంటే ॥

పేర నేఁ బిలువఁగానే ప్రియములు చెప్పఁగానే
ఆ రీతి నాపెతో మాటలాడవా నీవు
యీరసించితి ననేవు యెగ్గువట్టితి ననేవు
తారుకాణ సేసుకొమ్మా తగిలి నీసేఁతలు  ॥ అంటే ॥

కమ్ముక నేఁ జూడఁగానూ కనకవ నవ్వఁగానే
నెమ్మిఁ గాఁగిలించ వా నీవే ఆపెను
నమ్మించి శ్రవేంకటేశ నన్ను నిట్టె యేలితివి
సమ్మతించఁ జేసుకొమ్మా సారెకు నీమనసు ॥ అంటే ॥