Amduke Talladamamdee (అందుకే తల్లడమందీ)

అందుకే తల్లడిమందీ నంతరంగము
వొందిలినే పవ్వళించివున్నాడు లోనను    ॥ పల్లవి ॥

పెనఁగ నే నోపనంటి బిగిసినదానఁగాను
మనసున నెట్టుండెనొ మగనికిని
వినయాన మీరైనా విన్నవించరే చెలులు
వొనరఁగఁ జిన్నఁ బోయివున్నాఁడు లోనను   ॥ అందు ॥

అట్టెరా సిగ్గువతితి నలిగినదానఁగాను
యెట్టని యాడుకొనునో ఇందరితోను
గుట్టుతో నీతని వేఁడుకొని సారెకు మొక్కరే
వొట్టుకొన్నచింతతోడ నున్నాఁడు లోనను   ॥ అందు ॥

సరిఁ గాఁగిటఁ గూడితి చలపాదిదానఁగాను
ఇరవై శ్రీవేంకటేశు కెద్ది ప్రియమో
పరగఁ దనకు నిట్టె పంతమీయరే మీరు
వొరసి తా నవ్వుకొంటా నున్నాఁడు లోనను   ॥ అందు ॥