Amdanumdevaaramu Addamu (అండనుండేవారము అడ్డము)

అండనుండేవారము అడ్డము నేరము
నిండుకొని మీకు మీకే నెలవుకోరయ్యా      ॥ పల్లవి ॥

చెలినీలో మాటలు సిగ్గులలో తేటలు
చలివాయ వింటిమి మాసాకి రేలయ్యా
వలపులు వడ్డివారీ వాదు లెక్కడిమి మీకు
చలిమి బలిమి మీరే సంతము గారయ్యా     ॥ అండ ॥

మగువనీనవ్వులు మరునంపపువ్వులు
తగవు దేర్చితిమి మంతన మేలయ్యా
చిగిరించె తమకము చింత లెక్కడివి మీరు
మొగములు చూచి మీరే మొక్కులాడరయ్యా  ॥ అండ ॥

వనితనీచూపులు వడిఁ దరితీపులు
మనసురాఁ జేసితిమి మఱి యేలయ్యా
అనుగుశ్రీవేంకటేశ అలమేల్మంగయు నీవు
యెనసితి రిఁకను మీ కిచ్చలాడేమయ్యా     ॥ అండ ॥