Amtesidoratanaalayaake Yeepe (అంతేసిదొరతనాలయాకె యీపె)

అంతేసి దొరతనాల యాకె యీపె
కొంతపుఁజూపులఁ జట్టిగొని నాకె యీపె  ॥ పల్లవి ॥

మట్టుమీరి లేకలంపి మాటమాత్రముననే
అట్టె యింటికి రప్పించినాకె యీపె
చుట్టమవలెను నీసొమ్ములెల్లాఁ దనమెడఁ
బెట్టుకొని నిన్ను మెప్పించినయాకె యీపె ॥ అంతే ॥

చెంగటనే సేయరానిచేత సేసి నీవలపు-
లంగడిఁబెట్టినయట్టియాకె యీపె
కొంగువట్టి నీతోను కూరిములు గొసరుచు
అంగవించి చన్నులొత్తినాకె యీపె    ॥ అంతే ॥

సెలవుల నవ్వునవ్వి చెక్కులు నొక్కుచు నిన్ను-
నలుకలుదీర్చినయాకె యీపె
అలమేలుమంగను నేననఁగా శ్రీవేంకటేశ
కలసితి విదే నాసంగడియాకె యీపె   ॥ అంతే ॥