Achchivachchu Nee Keppudu (అచ్చివచ్చు నీ కెప్పుడు)

అచ్చివచ్చు నీ కెప్పుడు నంగనతోడి పొందు
కొచ్చి కొచ్చి ఇందు కెంత కోరుకొంటా నుంటివో ॥పల్లవి॥

సరుస నిలుచుండఁగా సతితురుములోనుండి
విరులు నీ మీఁద రాలె వింతలుగాన
గరిమఁ దమకమునఁ గమ్మిననిట్టూర్పులు
వరుసతో నీకు నాలవట్టములాయను || అబ్బు ||

మాటలాడుకొనఁ గాను మనసులేకమై లోలో
వాటములై తగిలెను వావులుగాను
సూటిదప్పకుండా నిన్నుఁ జూడఁగఁ జూడఁ గాను
కోటికొండలై వలపు గుదిగొనె నీకును || అబ్బు ||

ముట్టి కొలువుసేయఁగ మునుకొని నీపూజకు
గుట్టునఁ జన్నులు పూవుగుత్తులాయను
ఇట్టె శ్రీవెంకటేశ ఇటు నన్నుఁ గూడితివి
తొట్టి యాపెకూటమి దోమటాయను || అబ్బు ||