Amdarivamtidi Gaadu (అందరివంటిది గాదు)

అందరివంటిది గాదు అంగన యీవి
నిందల నీ గుణములు నెరపకుమీ        ॥ పల్లవి ॥

సెలవుల నవ్వునవ్వి చెక్కులు గోర నొక్కి
వలపులు చల్లితివి వనితమీఁద
నిలువున నమ్మె నాపె నిజమరివని నిన్ను
తలఁపులు మరివేరే తలఁచకుమీ        ॥అంద॥

అందపుమాట లాడి ఆయములు సోఁకించి
విందుగా మోవిచ్చితివి వెలఁదికిని
కందువలఁ జొక్కె నాపె కాణాచి దీడ నఁ కని
అందాలకుఁ బరుల పొందా లించకుమీ     ॥అంద॥

గక్కన గాఁగిటఁ గూడి కైకొని శ్రీవేంకటేశ
యెక్కించితివి వురముపై యీరమణిని
మొక్కె నాపె నీవే తనమోహనపుసింహాసనమని
పక్కన నేమిటా నిఁకఁ బదరకుమీ         ॥అంద॥