Amdukemi Dosamaa Atte Kanee (అందుకేమి దోసమా అట్టే కానీ)

అందుకేమి దోసమా అట్టే కానీ కానీవయ్య
చెండి యీపెతోడ నేము చెప్పకుండేమా  ॥ పల్లవి ॥

పైపై యీపెకు నిట్టె బత్తులెల్లఁ జేసేవు
చూపులఁదప్పక ఆపెఁ జూడవా నీవు
యీపోద్దే అన్నియును బయిటవేయరాదుగాక
తీపు నీగుణా లందరుఁ దెలియనివా    ॥ అందు ॥

వంకలొత్తి యీపెతోను వట్టిబాసలు సేసేవు
అంకెమాట లాపెతోడ నాడవా తొల్లి
బింకాన మీలో వాదులు పెట్టి దోసమనికాక
ఇంకా మామరఁగువాఁడ వెఱఁగవా నీవు    ॥ అందు ॥

ఇట్టె కాఁగిలించి యీపె నిక్కువకుఁ దీసేవు
గుట్టున నిట్లా నాపెఁ గూడవా ముందు
నట్టినడుమఁ గూడితి నన్ను శ్రీవేంకటేశ
రట్టు నిన్నుఁ జేసేనా నెట్టుకొనెఁ బనులు   ॥ అందు ॥