Akeku Neeku Bovunatavayyaa (ఆకెకు నీకుఁ బోవునటవయ్యా)

ఆకెకు నీకుఁ బోవునటవయ్యా
చేకొని నెరులనున్న చిక్కు దీర్చవయ్యా     ॥ పల్లవి ॥

నలినాక్షి నీ వప్పుడు నవ్వించినప్పటనుండి
యెలిమిఁ దొల్లిటి కోపమెల్ల మానెను
కులికి తనలోపలి గుట్టున నన్నుదిగాని
చలము లేదిఁకను ముచ్చటలాడవయ్యా    ॥ ఆకె ॥

ఇంతకి నీవు విడెమిచ్చినయప్పటనుండి
పంతపుటలుకల తాపము మానెను
చెంతల గన్నెరికపు సిగ్గున నున్నది గాని
వంతువాసి గాదు నీవు వద్దికి రావయ్యా      ॥ ఆకె ॥

అలమేలుమంగఁ జేతనంటినయప్పటినుండి
సిలుగులెల్లను మానె శ్రీ వేంకటేశ
బలిమి నీవు గూడినపంతాన నున్నది గాని
బెళకు లేదిఁకను నీ ప్రేమ నించవయ్యా    ॥ ఆకె ॥