Adi Choochi Naaku (అది చూచి నాకు)

అది చూచి నాకు వేడుకాయను నేఁడు
యెదలోన నీ కప్పుడెట్టుండెనో కాని          ॥ పల్లవి ॥

చెలిని చెవిలోపలఁ జేరి యేకతాలాడఁగ
పులకించె మేను గొబ్బున నీకును
మొలకనవ్వులు నీపై ముంచిముంచి చల్లఁగాను
జలజలఁ జెమరించె చక్కనినీచెక్కులు       ॥ అది ॥

కోమలి నీకు లోనికొలువులు సేయఁగాను
ఆముకొనఁ జెంగలించె నదె నీమోము
కోమలపుచనుఁగవకొనలు దాఁకించఁగాను
ప్రేమతో మూపులు మూఁడై పెనగొనె నీకును    ॥ అది॥

వనిత యెదుటనుండి వలపులు రేఁచఁగాను
వొనర నీమర్మములు వుప్పొంగెను
ఘనుఁడ శ్రీవేంకటేశ కలసితి విటు నన్ను
పెనఁగి నీకాపెకుఁగా బెరసెను కళలు        ॥ అది ॥