Adiyunu Jootumugaani Aanateevayyaa (అదియును జూతుముగాని ఆనతీవయ్యా)

అదియునుఁ జూతముగాని ఆనతీవయ్యా
కదిసేవు నాపై బత్తిగలదా నీకు      ॥ పల్లవి ॥

చలపట్టి నాతోను జాణతనా లాడేవు
నెలకొన్న యీమోహము నిజమా నీకు
కలపుకోలు చేసుక కాఁగిలించుకోవచ్చేవు
చెలిమి యీడేర నిఁక సేసేవా నీవు      ॥ అది ॥

విడువక నాతోను వేసరక నవ్వేవు
వుడివోకకూడేమన సున్న దా నీకు
అడరి నా మొగము నీ వాసపడి చూచేవు
బడిబడి నాతో నీవు పాయక వుండేవా    ॥ అది ॥

నమ్మికలెల్లా నొసఁగి నన్నుఁ గడులాలించేవు
నెమ్మది నాయెడ దయ నిండెనా నీకు
యిమ్ముల శ్రీవేంకటేశ యేలితివి నన్ను నిట్టె
కుమ్మరింపుఁగోర్కి దలకూడెనా నేఁడు   ॥ అది ॥