Aanatiyyavayyaa Naaku Naasuddulu (ఆనతియ్యవయ్యా నాకు నాసుద్దులు)

ఆనతియ్యవయ్యా నాకు నాసుద్దులు
తానకమై ఇందాఁకాఁ దలపోసుకొంటిని    ॥ పల్లవి ॥

చెలఁగి నిన్నాపె చూచి సెలవుల నవ్వఁగాను
తెలయక నిన్నడిగేఁ దెల్లమిగాను
బలిమి నప్పటి గాపెపైఁ జేఇవేయఁగాను
నిలుచుండి నాలోనే నివ్వెర గందితిని    ॥ ఆన ॥

సారెసారె నాపె నీతో సన్నలు సేయఁగాను
కారణాలు విచారించ గడగడల
మేరమీరి నీతోమరి మేలము లాడఁగాను
ఆరీతినే సంతోసించే నందుకే నేను     ॥ ఆన ॥

గక్కన నాపె నిన్నుఁ గాఁగిలించుకొనఁగాను
చొక్కి పొంతనాలు చూచే సొరిది నేఁడు
ఇక్కడ శ్రీవేంకటేశ ఇటు నన్నుఁ గూడితిని
పెక్కులాగుల నిందుకే ప్రియమందే నిపుడు ॥ ఆన ॥