Adugare Yeesuddi (అడుగరే యీసుద్ది)

అడుగరే యీ సుద్ది యౌనో కాదో
పడఁతులాల తనభావము దెలియను        ॥ పల్లవి ॥

యెంతకు నంతేకాని యెక్కుడుబాఁతౌనటే
పంతాన తాఁబిలిచితేఁ బలికితిని
అంతలోనే సొలయుచు నప్పటివిఁ గొసరీని
వింతదాననా తనవిధము దెలియనా        ॥ అడు ॥

కలది కలట్టే కాక కపటము నిజమటే
అలరి వీడెమిచ్చితే నందుకొంటివి
బలిమిఁ బైకొననంటా పలుమారుదూరీని
సిలుగుదాననా తనచిత్తము దెలియనా       ॥ అడు ॥

యెప్పటికప్పుడే కాక యిఁక సంగతౌనటే
ముప్పిరి దాఁజూచి తేను మొక్కితిని
యిప్పుడే శ్రీవేంకటేశుఁ డెనసియు నాసపడీ
తప్పించేదాననా తగవు దెలియనా          ॥ అడు ॥