Ade vachche nide(అదె వచ్చె నిదె)

అదె వచ్చె నిదె వచ్చె నచ్యుతుసేనాపతి
పదిదిక్కులకు నిట్టె పారరో యసురులు    || పల్లవి ||

గరుడధ్వజం బదె ఘనశంఖరవ మదె
సరుసనే విష్ణుదేవచక్ర మదె
మురవైరిపంపు లవె ముందరిసేన లవె
పరచి గగ్గుల కారై పారరో దానవులు       || అదె ||

తెల్లని గొడుగు లవె దేవదుందుభులు నవె
యెల్లదేవతలరథా లింతటా నవె
కెల్లురేఁగీ నిక్కి హరికీర్తి భుజము లవె
పల్లపుపాతాళానఁ బడరో దనుజులు       || అదె ||

వెండిపైఁడిగుదె లవె వెంజామరము లవె
మెండగుకై వారాలు మించిన వవె
దండి శ్రీవేంకటపతి దాడిముట్టె నదె యిదె
బండుబండై జజ్జరించి పారరోదై తేయులు  || అదె ||