Annee Mechchayyeeni Andukeme (అన్నీ మెచ్చయ్యీని అందుకేమే)

అన్నీ మెచ్చయ్యీని అందుకేమే
నిన్నటి సుద్దులు నే నెఱఁగనా   ॥ పల్లవి ॥

చలమునెరపేసాదవే నీవు
చెలులతో నేమి చెప్పేవే
ములుచతనపుముద్దరాలవే
నెలఁతరో నిన్ను నే నెఱఁగనా  ॥ అన్నీ ॥

చక్కనినవ్వులసానరాయివే
మిక్కిలి యేల నమ్మించేవే
చిక్కనసిగ్గులచింతకాయవే
నిక్కపునీసుద్ది నే నెఱఁగనా    ॥ అన్నీ ॥

తెగనమాఁటలతేనెవే నీవు
మొగము చూచేల మొక్కేవే
నగి శ్రీవేంకటోన్నతుఁడు నన్నేలె
నిగిడి నీగుట్టు నే నెఱఁగనా    ॥ అన్నీ ॥