Anateevayyaa Neevu Aakeku Vinnavimchemu (ఆనతీవయ్యా నీవు ఆకెకు విన్నవించేము)

ఆనతీవయ్యా నీవు ఆకెకు విన్నవించేము
నాని నాని వలపులు నాఁటుకొనెనా    ॥ పల్లవి ॥

సొలసి సొలసి నీకు సుద్దులెల్లాఁ జెప్ప పంపీ
చెలియమాఁటలు నేఁడు చెవిఁ బట్టెనా
యెలమి నెదురుచూచి యెప్పుడు వత్తువో యంటా
తలఁపులోపల నీకు దయవుట్టెనా    ॥ ఆన ॥

బడిబడిఁ దనరూపు పటమున వ్రాసి పంపీ
జడియ నీవలవులు సరివచ్చెనా
అడిల మంపఁగాను యాసపడి వున్నది
యెడయ కాపెకదకు నేతెంచేవా     ॥ ఆన ॥

వినయాన నీకు నుంటవింట గప్పుర మంపీ
తనిసి నీ కింతట సంతన మాయనా
యెనసితిని శ్రీ వేంకటేశ యీ కెలమేల్మంగ
చెనకీ నిన్నియును నీచిత్తము వచ్చెనా ॥ ఆన ॥